73,5fm, sumarbústað með 24,4fm bátaskýli samtals 97,9fm, nefnt Heiðarbær lóð landnúmer 174518 við Þingvallarvatn Bláskógabyggð.
Í bústaðnum eru 2 svefnherbergi auk svefnlofts. Eldhús er hluti stofu. Baðherbergi er með sturtu, dúkur á gólfi. Gólfefni eru annars plastparket. Stór verönd er við bústaðinn og er afar glæsilegt útsýni frá henni yfir Þingvallavatnið. Veröndin er framanvert við bústaðinn og til hliðar við hann, timburlagður stígur liggur frá verönd bakatil við bústaðinn upp á pall sem stendur í rjóðri umlyktu háum grenitrjám. Á pallinum er heitur pottur. Bústaðurinn stendur alveg niður við vatnið og fylgir honum bátaskýli sem er í lengju bátaskýla örfá metra frá bústaðnum niður við vatnið. Bústaðurinn er hitaður upp með rafmagni gegnum vatnstúpu. Einnig er arinn í stofu.